El ei naschius ils 30 d´uost 1902 a Trun. Igl onn 1911 ha sia famiglia priu dimora a Cuera. Aluis ei staus il siatavel dad endisch affons. El ha empriu da pictur e sespecialisaus sin decoraziun. Igl onn 1927 ha el aviert in atelier grafic. Dils onns 1923 entochen 1939 ha el luvrau sco graficher a Turitg. Suenter eis el sededicaus a Sursaissa alla pictura d´art.

Igl onn 1948 ha el exponiu sias ovras a Soloturn e Genevra. Ils onns suandonts ha el crau maletgs, skizzas, litografias e numerusas picturas muralas. Per semeglia la reuniun dallas Treis ligias, ella sala dil Cussegl grond a Cuera.

Igl onn 1945 ei Uorsin cumparius. Siu emprem cudisch d´affons.

Uorsin mass schi bugen a Chalandamarz cun ina biala stgella gronda. Mo quella ch´el survegn..., na quei va buc! Perquei decida el dad ir sin lur mises per la plumpa gronda. - La notg tuorna e buca anavos e ses geniturs fan gronds quitaus. Ses geniturs ein perquei fetg leds cura ch´el tuorna l´autra damaun frestg e sauns. Ed il Chalandamarz ei lura era perfetgs cun quella plumpuna!

In di survegn Maurus ina brev da sia cusrina Madleina cun gl´invit da vegnir a visitar ella el marcau. Suenter in pèr bials dis el marcau sedecidan Maurus, Madlaina ed il tat Tim da turnar anavos sur il cuolm a casa tier Maurus. Cunquei ch"ei ha denton ina grossa tschagera van els a piarder....

Quest cudisch raquenta da Dumeni Tabac, da Nesa, sia dunna e da lur affons Viturin e Babetin. Ei vegn raquintau dallas sgagias sin il pirer e dallas hazlas sin il badugn. Oravontut raquinta la historia denton dils dus utschals Zipin e Zipina, in pèr che ha fatg siu igniv en in spitatsch.

Denter 1960 e 1975 ha Carigiet giu differentas exposiziuns en Svizra ed egl exteriur. Per semeglia ella Casa d´art a Cuera ils onns 1962 e 1973. Lu igl onn 1967 sia retrospectiva el museum "Allerheiligen" a Schaffusa. Cun caschun da siu 75avel anniversari, igl onn 1977, ei cumparius igl emprem tom da sia monografia. Da quei temps ha era giu liug el "Kulturzentrum Seedamm Pfäffikon" in´exposiziun fetg extendida da sia ovra.

Ils motivs da sias picturas ha Carigiet adina anflau en siu stretg contuorn, specialmein el mund puril. Per far la punt tier sias ovras s´exprima igl artist sco suonda: "Per surviver drov´ins segiramein buc igl art. Mo jeu vess breigia da capir castgauns che fussen cuntents mo cun surviver."

Igl onn 1960 ei Carigiet puspei turnaus a casa. Ella casa materna a Flutginas sur Trun. Igl emprem d´uost 1985 eis el morts. Ses maletgs ein tschercai pir che mai.