Leo Demund dat en ina intervesta cun Esther Simeon bugen investa da sia veta sco buob da cuolm e lai reviver duront la sera biaras reminiscenzas.

Avon prest 60 onns era el si cuolm cun siu padrin en la tegia. El raquenta da furbarias e da "trer or il cucu". Tgi sa aunc tgei che quei era?

Cun in sempel cunti tagliava el gia lura ora vaccas lenn. Oz ei Leo Demund enconuschents sco fetg talentau entagliader cun bia fantasia.

Tgi sa aunc dil giug da pasturs, il dar "pitgpetg"?
Leo Demund declara precisamein quella occupaziun dils buobs da pli baul. Aschia vegnan era ils pli giuvens a tener en memoria quei giug.

Ed era ditg suenter la finiziun officiala dalla sera continueschan las historias ad in continuar. In cordial engraziament ad Esther Simeon che ha capiu da crear ina emperneivla e divertenta sera cun Leo Demund.