Dapi igl onn 1995 vivel jeu cun mia famiglia a Trun/Campliun. Gia da buoba era il leger per mei zatgei dil pli bi. Tochen oz ei il leger il pli bi passatemps per mei.
Igl astgar luvrar en Biblioteca ei aschia ina cumbinaziun da lavur e plascher. La lavur varionta e las bialas sentupadas cun nossas clientella dattan a mi bia satisfacziun.
Naven dall'entschatta mars 2024 hai jeu astgau surprender la responsabladad sco menadra dalla Biblioteca. Tier la cussegliaziun da nossa clientella vegn uss aunc la lavur administrativa. Tut quei fa la caussa aunc pli interessanta.
Mia lectura preferida ein cudischs cun temas ord il temps mediaval e biografias.
Jeu habiteschel cun mia famiglia a Rabius. Sper il sportl ei leger per mei schon dapi biars onns ina pissiun. Jeu saiel secumblidar per muments e seprofundar en auters munds, autras historias. Mes favorits ein thrillers e romans. Bugen fetschel gust ad affons e giuvenils da prender in cudisch enta maun e fugir en historias.
Cun la lavur en biblioteca saiel parter mia pissiun cun auters. Far gust e recumendar cudischs che han era plaschiu a mi. E beinsavens survegnel era cussegls dalla clientella. Las uras en biblioteca ein fetg variontas e las sentupadas enrihontas.
Jeu habiteschel cun mia famiglia a Trun. 2016 hai jeu entschiet mia lavur ella Biblioteca da Trun. Dapi mia affonza interesseschan mei ils lungatgs ed oravontut il leger,ord quei motiv hai jeu grond plascher da luvrar en Biblioteca. Nossa litteratura ei fetg varionta e vegn adina puspei cumpletada, aschia eis ei adina pusseivel d’anflar enzatgei niev. Jeu legel bugen romans e historias veras. Fetg interessant per mei ein biografias da persunas cun ina ferma persunalitat. Igl ei fetg impressiunont, tgei che mintgin ha fatg atras en sia veta. Cun quella motivaziun e nossa pusseivladad dallas scaffas da cudischs, less stimular nos viandonts ed indigens da leger e motivar pign e grond.
Jeu hai plascher da survir nossa clientella e gaudel ils differents discuors e contacts cun ella ed ils affons, che vistan nosssa Biblioteca
La Biblioteca Trun porscha naven dil matg tochen igl october bauns da leger a Trun silla Senda d’art e Carmanera, a Schlans Davaruns, a Cumpadials silla plazza da giugs, a Rabius silla plazza da giugs. Il team dallas bibliotecaras giavischa bien divertiment cun la lectura da differents cudischs per pign e grond.
